Наскоро петта сезона на „Преспав“ на МРТ

Наскоро на Македонската телевизија нова, петта сезона од популарната серија  „Преспав“. Семејството Бузалевски ќе ги води гледачите низ нови авантури.

Снимањето е во тек, а актерите велат, поради пандемијата биле затворени без работа, без театар, без снимања и имале потреба да „експлодираат“ пред камерите. Сметаат дека комедијата е вид терапија и треба почесто да има вакви серии. Дали и како успеваат да ги снимаат сцените и да ја сокријат насмевката во моменти кога треба да останат сериозни.

Има препреки и предизвици со кои се соочуваме, но снимањето тече добро и очекуваме да испорачаме нешто квалитетно, вели режисерот Тозија. Протоколите за работа се почитуваат, додава продуцентот Талевски.

„Преспав“ е прв македонски ситком проект кој изминатите четири сезони постигна голем успех и популарност кај публиката преку малите екрани и на интернет.

Ана Јосифоска- Тодоровска