Нови докази за времетраењето на имунитетот на ковид-19
Мала но важна студија спроведена во Велика Британија покажа дека клеточниот имунитет на пандемискиот вирус САРС-КоВ-2 кај луѓе кои преживеале лесна или асимптоматска форма на ковид-19 продолжува шест месеци по болеста.Студијата е спроведена на 100 лица со ковида-19 кои не биле хоспитализирани.
Научниците кои ги презентираа резултатите од истражувањето велат дека тие смируваат, но не значи дека луѓето во ретки случаи не можат повторно да се заразат со оваа болест.
„Додека овие резултати нè прават претпазливи оптимисти за силата и времетраењето на имунитетот стекнат по инфекцијата со САРС-КоВ-2, тие се само едно парче од сложувалката“, вели Пол Мос, професор по хематологија на Универзитетот во Бирмингем, кој ја водеше студијата. .
„Имаме уште многу што да откриеме пред целосно да разбереме како работи имунитетот на ковид-19“, додаде професорот.
Експертите кои не учествувале директно во студијата велат дека откритието е важно и дека тоа е едно од многуте нови откритија за можен имунитет на ковид-19.
За време на студијата, која сè уште не ја поминала евалуацијата на други експерти, биле анализирани примероци од крв на 100 пациенти шест месеци откако тие ја надминале лесната или асимптоматска форма на болеста.
Резултатите од студијата покажуваат дека нивото на антитела опаѓа, но реакцијата на Т-клетките, друг клучен дел од имунитетот, останува силна.
Покрај тоа, студијата покажала дека одговорот на Т-клетките се разликува и е значително посилен кај луѓето кои развиле симптоми на болеста отколку кај оние кои немале никакви симптоми кога ќе се заразат.
Според истражувачите, ова може да се толкува на два начина: можно е посилниот клеточен имунитет да обезбеди подобра заштита од повторна инфекција кај луѓе кои имаат развиено симптоми, односно да ги олесни асимптоматските пациенти во борбата против вирусот без силна имунореакција.
Овие резултати покажуваат дека неколку месеци по инфекцијата, иако нивото на антитела паѓа под нивото што може да се открие, сепак постои одреден степен на имунитет на болеста, изјави шефот на Одделот за имунологија на Лондонскиот кралски колеџ, Чарлс Бенгам.
„Тоа е добра вест на долг рок - и во смисла на развој на вакцини и на долготрајна заштита од повторна инфекција“, вели Еленор Рајли, професор по имунологија и инфектологија на Универзитетот во Единбург.
Сепак, како што истакна професорот, сè уште не е познато дали лицата вклучени во ова истражување се заштитени од повторна инфекција. Иако повеќе од 46 милиони луѓе се заразени со коронавирус ширум светот, има многу малку потврдени случаи на реинфекција.
Дијана Гогова Атанасова