Играчки од „Војна на ѕвездите“ продадени на аукција за 443.000 евра

Брачна двојка од Сторбриџ во централна Англија не знаеше што да прави со еден куп кукли и вселенски бродови.

За среќа, нивниот син претпоставил дека вредат и поканил експерт да ја процени колекцијата, која исто така вклучувала и неотпакувани фигурини во оригиналното пакување.

„Многу од играчките беа малку влажни, но ова е најубавата колекција на„ Војна на вездите “што некогаш сум ја видел“, изјави експертот Крис Астон од аукциската куќа „Aston’s Auctionneers“.

„Добивме прашања од целиот свет и бевме сигурни дека продажбата ќе оди добро“, рече тој.

Меѓу предметите еи  еден од авионите од флотата на Галактичката империја, и има, колку што знаеме, само две копии во оригиналното пакување, а тој беше продаден за 32.500 британски фунти (повеќе од 36.000 евра).

Фигурината Jawe, мало суштество со качулка и сјајни очи, исто така беше распакувана и како еден од десетте познати примероци се продаде за повеќе од 30.000 евра.

Фигурините од групата, инспирирани од филмот „Враќањето на џедајот“, кои беа купени за помалку од две евра за парче во раните 80-ти, беа продадени на аукција по цена од 1.550 евра.

Предмети од колекцијата инспирирана од една од најпознатите филмски саги во светот со години привлекуваат колекционери, подготвени да го отворат паричникот за да купат играчка инспирирана од вселенската франшиза.

Фигурината на Лук Скајвокер, која беше купена како играчка за деца во 1978 година, беше продадена во 2015 година на интернет-аукцијата во Сотби за 25 000 долари (повеќе од 21 000 евра).

Дијана Гогова Атанасова