Во пожар во густо населена населба во Хонг Конг загинаа седум лица

Најмалку седум лица загинаа, а 12 се повредени во пожар во станбена зграда во густо населено станбено подрачје на Хонг Конг, соопштија локалните власти.

Пожарот избувна синоќа во областа Јау Ма Теи, која обично е полна со луѓе.

Пожарот избувнал во  ресторан лоциран во стан на станбена зграда, соопштија пожарникарите на прес-конференција рано утрово.

South China Morning Post објави дека во пожарот загинале седум лица на возраст од девет до 40 години. Според списокот, тој е најсмртоносен пожар од 2011 година, во кој животот го загубија девет лица. Според весникот, седум од хоспитализираните лица се во критична состојба.

Дијана Гогова Атанасова