Премиерот Заев добри награда за човекови права
Фондацијата „Фридрих Еберт“ му додели награда за човекови права на премиерот Зоран Заев. Сметаат дека со Преспанскиот и со Договорот за добрососедство е најзаслужен за ова признание...
Северна Македонија и Западен Балкан припаѓаат на Европската унија, затоа ќе направиме сѐ земјата да биде во ЕУ, порача германскиот минисетер за надворешни работи Хајко Мас. Посочи дека поради храброста, истрајноста, македонскиот премиер Зоран Заев ја добива Наградата за човекови права за 2020. Зачувувањето на човековите права и европските вредности, е борбата за правдина. Заедничкиот живот и мирот е иднината на Европа.
Поради младите генерации треба да градиме пријателство, да признаеме дека секој е важен без разлика на вера и пол, порача Заев. Бескомпромисната борба против сѐ што не е демократија е клучна. Живот за сите, конфликт никогаш.
Во Берлин, премиерот Заев, придружуван од министерот за надворешни работи, Бујар Османи, ќе оствари и работни средби.
Дијана Ценевска