Филипче на средба со директорите на Интерните клиники, се прошируваат капацитетите за ковид пациенти

Министерот за здравство Филипче на состанок со директорите на интерните клиники. Била разгледана моменталната состојба со пополнетоста на ковид-центрите, состојбата на пациентите кои таму се лекуваат, како и расположливоста со медицински персонал, и можностите и потребата од проширување на капацитетите.

На интерните клиники, моментално има околу 20-тина слободни места, а се очекува да се направат и дополнителни исписи на оздравени пациенти. Од утре почнува да работи и ковид-центарот на Клиниката за очни болести, каде што ќе можат да се сместат 33 пациенти.

„Состојбата е сериозна и се соочуваме со силен бран на вирусот и голем наплив на болни. Наша цел е ниту еден пациент да не остане без лекарска грижа, а во исто време да не ја намалиме ниту редовната програма на клиниките за акутните и хроничните пациенти“, вели министерот Филипче.

30 млади лекари- приватни специјализанти доброволно ќе се вклучат во работата на ковид-центрите.  Во најкраток рок се очекува да се направи нивна прераспределба на инфективните одделенија.