Прилеп: Пациенти се лекуваат со ковалесцентна плазма, капацитетите се прошируваат
За првпат, во прилепското инфективно одделение се лекуваат пациентите со конвалесцентна плазма. Има многу доброволци. Болницата, со инфективното ги преполни капацитетите. Ќе се стави во функција и гинеколошкиот оддел...
Двајца пациенти на прилепското инфективно одделение почнаа да се лекуваат со конвалесцентна плазма. Ова е првпат на одделението да се дава плазмата. Досега одеше преку скопските клиники. Од Трансфузија, задоволни од големиот одзив на доброволци. Само вчера дури 16.
Сите ковид-оддели во болницата се максимално полни. Хоспитализиртани се 116 пациенти. Се бара кревет повеќе. Денеска очекуваат оздравување на пет-шест пациенти за да се ослободи место. Болницата го става во функција гинеколошкиот оддел.
Медицинскиот кадар останува и на работ на силите, но и на бројноста. Идната недела се очекува да се врати персонал кој беше заразен со Ковид-19. Се снаоѓаат и со боците за кислород на одделите зашто од сите хоспитализирани, 70-ина се на кислородна поддршка.
Болницата кубури со реагенсите за Д-димери во лабораторијата, битни за тешките клинички слики. Во Прилеп моментално се активни над 900 и има 100 смртни случаи. Стапката на смртност од 4,5 насто зависи од големиот број заразени. Само вчера беа речиси 100 нови случаи, а преку 2.300 од почетокот на пандемијата.
Елизабета Митреска