Вoнреден инспекциски надзор во Битолската болница

Инспекторите на Државниот санитарен и здравствен инспекторат влегоа во Битолската болница, одблизу ги согледуваат условите во кои се лекуваат пациентите. Вонредната контрола следува по објавените фотографии во јавноста, на кои може да се забележи како во иста болничка соба пациенти примаат инфузија, а на креветите покрај нив има починати лица.

Од почетокот на пандемијата, Државниот санитарен и здравствен испекторат спровел 21 вонреден испекциски надзор, во тек се девет за помлади пациенти кои ја загубија борбата со коронавирусот. Досега јавноста не доби конкретна информација дали имало пропусти во лекувањето, освен образложение дека се иницирани вонредни стручни надзори.

Од ВМРО – ДПМНЕ велат во болниците низ земјава владее хаос, нехумани и недостојни услови за пациентите.

Во болниците низ земјава се лекуваат околу 1.300 пациенти позитивни или сомнителни на Ковид-19, има уште 150 слободни кревети.

Андријана Атанасовска