Здравата исхрана е клучна во борбата против коронавирусот

Одредени хранливи материи се потребни за правилно функционирање на имунолошкиот систем. Истражувач на Факултетот за човечки развој и здравје на Медицинскиот факултет на Универзитетот во Саутемптон ја истражувал улогата на диетата во зајакнувањето на имуниот систем во борбата против инфекцијата со ковид-19Студијата ја нагласува важноста на диетата во зајакнувањето на способноста на имунолошкиот систем да се бори против инфекцијата.

Имунолошкиот систем го штити нашето тело од инфекција, а имунолошката меморија се однесува на способноста на имунолошкиот систем брзо да препознае антиген што телото претходно го сретнал и да предизвика соодветна имунолошка реакција.

Постојат многу причини кои можат да влијаат на промената на имунолошкиот одговор на организмот. Стареењето може да биде поврзано со губење на имунолошкиот систем, наречено имуносупресија. За имуноосценција се карактеризира со намалување на имуните клетки, вклучувајќи Т-лимфоцити, Б-лимфоцити, дендритички клетки, неутрофили, моноцити, макрофаги и природни клетки убијци.

Една од причините за имуноосценција е намалувањето на имуните клетки од коскената срцевина. Сето ова се случува во старост, па ова може да биде причина зошто постарите луѓе се подложни на ковид 19.

Дебелината е исто така поврзана со намален имунолошки одговор. Лицата со прекумерна тежина  обично имаат нарушена активност на помошни Т-лимфоцити, цитотоксични Т-лимфоцити, Б-лимфоцити и природни клетки убијци. Тие исто така имаат намалено производство на антитела и интерферон-гама (IFN-γ). Затоа, дебелината претставува поголем ризик од инфекција со коронавирус.

Имунолошкиот систем функционира во секое време, но специфичните клетки се активираат со присуство на патогени микроорганизми. Активирањето доведува до значително зголемување на побарувачката на имунолошкиот систем за супстрати кои произведуваат енергија, вклучувајќи масни киселини, гликоза и аминокиселини.Некои хранливи материи, како што се витамини А и Д, се директни регулатори на генската експресија во имуните клетки. Тие играат клучна улога во созревањето, диференцијацијата и реакцијата на имуните клетки.

Антиоксидансите, исто така, играат клучна улога во заштитата на организмот од оксидативен стрес. Класичните антиоксидантни витамини вклучуваат витамин Ц и Е, вклучувајќи антиоксидантни ензими како што се каталаза, пероксидаза и супероксид дисмутаза.

Затоа, здравата исхрана е клучна во борбата против епидемијата на коронавирус. Добрата исхрана обезбедува средина во која имуниот систем може брзо и соодветно да одговори на инфекцијата. Во меѓувреме, недостатокот на хранливи материи го прави телото и имунитетот неспособни да работат правилно.

На кратко, на телото му требаат витамини и минерали за успешно да се бори против тежок акутен респираторен синдром. Во некои случаи, дури и ако некое лице се зарази, имунолошкиот систем на телото може лесно да се бори против патогенот, намалувајќи го ризикот од развој на сериозна болест.

Се покажа дека витамини А, Б6, фолати, Ц, Д и Е, вклучувајќи елементи во трагови како што се цинк, бакар, железо и селен, играат клучни улоги во зајакнувањето на имуниот систем и намалување на ризикот од инфекција и намалување на ризикот од инфекција.

Дијана Гогова Атанасова