Пандемијата ја зголеми сиромаштијата во светот

Обединетите нации соопштија дека поради пандемијата на коронавирусот бројот на луѓето во светот на коишто им е неопходна хуманитарна помош за да преживеат достигнал нови рекорди бидејќи е драматично зголемена екстремната сиромаштија.

На едно од 33 лица му е потребна помош за да ги задоволи основните потреби, како храна, вода и санитарни услови во 2021 година, што е зголемување за дури 40 насто.

Според процената, помош ќе им биде потребна на 235 милиони луѓе ширум светот, а најмногу во Сирија, Јемен, Авганистан, Демократска Република, Конго и Етиопија.