Тутунарите бараат повисоки откупни цени

Министерот за земјоделство Аријанит Хоџа на средба со тутунопроизводителите и откупувачите. Тутунарите се жалат дека со просечна откупна цена од 150 денари не можат да ги подмираат ниту производствените трошоци. Бараат повисоки откупни цени и реално класирање од страна на откупувачите.

Тутунските компании, пак велат дека имаат залихи и дека годинашната реколта е со послаб квалитет.

Од ресорот земјоделство се согласуваат дека ќе мора да се работи на подобрување на условите бидејќи тутунот е стратегиска култура.