Филипче: Обезбедени се 833.000 вакцини против Ковид-19 за 400.000 граѓани
Здравствените власти го објавија планот за имунизација против Ковид-19. Обезбедени се 833 илјади дози вакцини за 400 илјади граѓани преку ковакс- механизмот. Доставени се барања за директни договори со две светски компании. Приоритет ќе имаат здравствените работници, лицата над 65 години и хронично-болните...
Медицинските работници кои работат во ковид центрите и во лабораториите, како и хронично болните, оние со кардиоваскуларни, респираторни и малигни заболувања и лица постари од 65 години први ќе добијат вакцина. На почеток на наредната година во земјава ќе пристигнат првите дози на вакцината против Ковид– 19. Имунизацијата ќе биде бесплатана и незадолжителна. Вакцината ќе може да се инјектира кај они што се во стабилна здравствена состојба, предуслов како врпрочем и за сите други вакцини.
Надлежните планираат 60 до 70 проценти од населението да биде имунизирано против Ковид – 19. Државата ги преземена сите чекори за обезбдеување на вакцината, како преку КОВАКС механизмот, така и директно, чекаат одговори од две компании.
Според министерот Филипче, вакцинацијата со оваа вакцина ќе биде една од најголемите логистички операции која ќе треба да ја спроведе здравствениот систем.
Наташа Јанчиќ Менковски