Телефонски разговор Османи - Ашкенази
Непосреден повод за разговорот е дваесет и пет годишнината од воспоставувањето на дипломатските односи меѓу Република Северна Македонија и Државата Израел.
Министерот за надворешни работи, Бујар Османи денес оствари телефонски разговор со Министерот за надворешни работи на Израел, Габи Ашкенази.
Непосреден повод за разговорот е дваесет и пет годишнината од воспоставувањето на дипломатските односи меѓу Република Северна Македонија и Државата Израел.
Министрите Османи и Ашкенази се осврнаа на постигнувањата во изминатиот период, при што констатираа висок степен на пријателство меѓу двете земји и нагорен тренд во меѓусебната соработка, во сите области од заемен интерес. Воедно, беше потенцирана и заложбата за продолжување на политичкиот дијалог и интензивирање на севкупната соработка, соопштуваат од МНР.
Министрите Османи и Ашкенази разменија мислења и за актуелните состојби на регионален и глобален план.