Бензините поевтинуваат, цената на дизелот останува иста

Регулаторната комисија за енергетика ги објави новите цени на горивата коишто ќе важат од полноќ. Бензинот од 98 октани поевтинува за 1,5 денар и ќе се придава за 61 денар за литар. За денар поевтнува и бензинот од 95 октани, па неговата цена ќе изнесува 59,5. Дизелот и екстра лесното масло за домаќинство и неделава ќе се продаваат по стара цена, значи нема корекции, а поевтинува мазутот.

Во просек, малопродажните цени на нафтените деривати се намалуваат за 0,9 проценти, како резултат на движењето на цената на светските берзи и курсот на денарот во однос на доларот.