Откупот на тутун продолжи, незадоволството остана
Тутунарите останаа незадоволни и револтирани иако откупот продолжи. Ништо нема од договореното, велат незадоволните тутунари и од Сојузот на земјоделските здруженија. Пак бараат средба со министерот во Прилеп и гаранција за реален откуп. Во спротивно, најавуваат протести во целата држава...
Откупот денеска продолжи, ама тутунарите останаа незадоволни и револтирани. Не се спроведува договореното од петокот во Министерството за земјоделство. Нема реална цена, тутунарите го враќаат родот.
Освен во Прилепскиот комбинат со ветена нагорна линија, другите откупувачи излажаа, велат незадоволните тутунари и Сојзуот на земјоделските здруженија.
За утре се бара нова средба со министерот во Прилеп, гаранција за реален откуп и директна средба со откупувачите. Во спротивно, од среда ќе се протестира во целата држава.
Годинашнава реколта е околу 23.000 тони. Досега се откупени само еден и пол насто. Во земјава од тутунот живеат 30.000 семејства.
Елизабета Митреска