Eвропа потврди повеќе од половина милион смртни случаи од Ковид- 19
Европа е првиот регион во светот што потврди повеќе од половина милион жртви на Ковид-19. Велика Британија во вторникот забележа рекорден број на лица заразени со коронавирус - потврдени се нови 36.804 нови случаи и 691 жртва на инфекцијата, а и двете бројки се значително повисоки од претходниот ден.
Британскиот премиер Борис Џонсон и неговите советници во саботата објавија дека на островот се шири нов вид на коронавирус, кој може да биде за 70% позаразен, иако не се смета за поубиствен или опасен за развој на посериозна форма на болеста.
Најавите за мутираниот вид од Англија го охрабруваат затворањето пред Божиќ и принудија десетици европски земји да ги затворат своите граници со Велика Британија оваа недела.
Италија сè уште има најголем број смртни случаи од корона во Европа, а во неделата идентификуваше пациент заразен со нов вид на коронавирус, што се случи и во Данска и во Франција.
Некои земји ги прекинаа летовите со Велика Британија, додека други размислуваат да ги проверат патниците на летовите од Велика Британија и да воведат задолжителен карантин за патниците кои пристигнуваат од Островот.
Дијана Гогова Атанасова