Пендаровски информиран за борбената готовност
На првиот брифинг, откако земјава стана полноправна членка на НАТО, Пендаровски беше запознат со состојбата во Армијата во повеќе области во 2020 година.
Началникот на Генералштабот генерал- потполковник Васко Ѓурчиновски реферираше за борбената готовност на Македонската армија пред претседателот и врховен командант Стево Пендаровски.
На првиот брифинг, откако земјава стана полноправна членка на НАТО, Пендаровски беше запознат со состојбата во Армијата во повеќе области во 2020 година.
Годината што изминува е историска поради македонското зачленување во Северноатлантската алијанса, како и за брзиот одговор на Армијата по прогласувањето на кризната состојба, рекол Пендаровски на брифингот.
Според министерката за одбрана Радмила Шеќеринска, постојано ќе се инвестира во Армијата според НАТО стандардите, но и во човечкиот потенцијал.
На состанокот се разговарало и за армиската асистенција во справувањето со Ковид-19, при што началникот Ѓурчиновски укажал на високиот професионализам во остварувањето на задачите, како и во подготвувањето на Армијата за меѓународните операции во рамките на НАТО.