Залет за завршницата на домашните првенства!

Македонските шампионати влегуваат во фаза во којашто се обезбедуваат пласман во главната конкуренција или најдобри позиции во завршната трка за трофеите.

Во 17-то коло од кошаркарската Прва лига, во единствениот натпревар во недела Вардар Апаве славеше против Струмица со 68:56 и заедно со вечерешниот противник и со Фени индустри остана во игра за петтото место што значи пласман во Супер лигата на којашто подоцна ќе и се приклучи нашиот претставник во АБА натпреварување, МЗТ Скопје Аеродром. Кавадарчани вчера го совладаа Карпош Соколи со 76:61, додека во директната пресметка за третата позиција Лирија како гостин беше подобра од Куманово со 90:87

Во петокот во дуелот на најдобрите две екипи, Работнички остана на лидерската позиција , сега осамен и со само еден пораз откако беше поуспешен од Кожув со 72:67.

Нашите ракометни екипи со мечевите од 16-та рунда ја продолжија Супер лигата. Куманово го совлада Текстилец со 28:25, во саботата Пелистер беше подобар од Преспа со 32:18, Овче поле дома загуби од Металург јуниор со 33:18, додека Охрид – триумфираше против Радовиш со 21:17.

На 11-ти март Прилеп и Зомимак ремизираа 27:27, но и двете екипи веќе обезбедија учество во плеј офот на Супер лигата во којшто директно ќе влезат и Вардар и Металург.

Одбојкарското првенство е при самиот крај. Во првите дуели од полуфиналето на плеј офот, шампионот Вардар во Штип го победи Мавис со 3:0, додека максимален триумф оствари и Пробиштип дома против Сушево. За пласман во финалето потребни се две победи.