Серија земјотреси во Загреб

Серија земјотреси утрово го погодија хравтсиот главен град Загреб. Шефицата на Сеизмолошката служба на Хрватска, Инес Иванчиќ, ги предупреди граѓаните на можноста од нови земјотреси во наредните часови и денови во областа Петриња и Сисак.

Првиот земјотрес се случи во 6:28 часот, со јачина од 5 степени според Рихтеровата скала, проследен со два малку послаби, кои беа со изнтензитет со 4,7 и 4,1 степени

Земјотресите во Петриња и Сисак ги почувствуваа и граѓаните на Запрешиќ, Бјеловар, Вировитица, Копривница, Огулин, Риека и други градови.

Ако магнитудата беше пет, тогаш можноста за последователни земјотреси е многу веројатна, рече Иванчиќ.

Со неа се согласува и сеизмологот Маријан Херак од Геофизичкиот отсек на ПМФ во Загреб. Во изјава за ХРТ тој рече дека денешниот потрес дефинитивно не е дел од истата серија како оној загрепскиот од 22 март, туку станува збор за друго епицентрално подрачје и нагласи дека сигурно ќе има уште потреси во тоа подрачје.