Се забрзува динамиката на откуп на тутун

Се забрзува динамиката на откуп на тутунот, дециден е министерот за земјоделство Хоџа по средбата со тутунарите. Дневно се откупува по 700 тони тутун. Досега се откупени 40 проценти од произведените количини. Вели дека незадоволството кај дел од тутунарите е оправдано, поради цената која е последица на лошата сезона и слабиот квалитет на тутунот.

Оптимизам и од страна на тутунопроизводителите. Од Сојузот велат дека е прифатено нивното барање да се откупува и после законскиот рок. Очекуваат да бидат откупени сите вишоци.

Крајниот рок за откупот на жолтото злато е февруари. Минатата година откупната цена изнесуваше 220 денари за килограм тутун. Реколтата годинава е околу 23.000 тони. Тутунарите во неколку наврати протестираа, незадоволни од проценката и одбитоците.

Дијана Ценевска