Бугарија упати демарш до МНР поради запалено бугарско знаме во Вевчани

Бугарскиот амбасадор во Скопје, Ангел Ангелов, упатил остар вербален протест поради запалено бугарско знаме на карневалот во Вевчани, објави на својот Фејсбук профил министерката за надворешни работи Екатерина Захариева.

„По повод медиумските објави за запалено бугарско знаме во село Вевчани во Република Северна Македонија, му порачав на бугарскиот амбасадор во Скопје до Владата на Република Северна Македонија да изрази силно незадоволство по овој вандалски чин“, напиша Захариева.