Германија во „мегалокдаун“

Германија воведува нов пакет мерки против коронавирус, построг од постојниот. Многумина новите мерки ги нарекуваат „мегалокдаун“.

Училиштата, некои продавници, барови, ресторани и забавни и културни објекти се затворени, со мерки што постепено се зајакнуваат од воведувањето. Во сила е и мерката според која едно домаќинство може да го посети само едно лице надвор од тој круг. Во области со повеќе од 200 нови случаи на 100.000 жители, не е дозволено да се напушти куќата повеќе од 15 километри за 7 дена.

Во меѓувреме почна вакцинацијата во Северна Рајна Вестфалија.

„Брзината на вакцинирањето во Северна Рајна Вестфалија - како и во цела Германија, но и во цела Европа се одредува според количеството вакцини. Имаме капацитет да вакцинираме околу 80.000 луѓе неделно“, изјави Карл- Јозеф Лауман,  министер за здравство во Северна Рајна Вестфалија.