Граѓанските организации начелно задоволни од предложените реформи во образованието
На маса со ресорната министерка Царовска за реформите во образованието ги спротивставија аргументите преставнци на неколку граѓански организации кои ги заштитуваат правата на лицата со попреченост, промовираат и унапредуваат права за родова еднаквост и од Хелсиншкиот комитет. Царовска е задоволна од поддршката на концепцијата. Опозицијата со критика дека процесот го турка на сила и на сметка на квалитетот...
Граѓанските организации се начелно задоволни од предложените реформи и новата концпеција, но на ресорната министерка и ги предочија недостатоците. Од „Мобилност“ потсетија дека за ефикасен и успешен воспитно- образовен процес на лицата со инвалидност се потребни соодветни пристапи до сите училишта, тоалети и најважно од сѐ, брајови тастатури за читачи на екрани, асистенти, но и други предуслови.
Од коалицијата „Маргини“ се задоволни што во концепција е содржана родовата рамноправнаст, недискриминација и ненасилството. Хелсиншкиот комитет со поддршка поради воведувањето на пристапот на меѓуетничка интеракција што ќе го намали насилството, пред сѐ кај учениците. Тие се согласни - промени во образованието се неопходни. Ресорната министерка оцени- дебатата покажала дека новата концепција е поддржана од граѓанските организации.
За државната матура, Царовска рече дека е законска обврска за оние кои сакаат да продолжат во високото образование во државата или надвор од неа. Средното образование е задолжително, а државната матура е изборна, посочи министерката.
Опозицијата ја обвини министерката дека не сака да ги слушне аргументите за реформите во образованието и од други експерти, не само на оние блиски до СДСМ и заев. Според ВМРО-ДПМНЕ, се избегнува дебатата во Собранието. Велат и дека Царовска на сила и без консензус на своја рака сака да го истурка процесот со што ги доведува во прашање квалитетот и важноста на реформата.
Фиљана Кока