Гутереш ја прими првата доза од вакцината

Генералниот секретар на Обединетите нации, Антонио Гутереш ја прими првата доза од вакцината против коронавирусот. Изјави дека е многу благодарен и им порача на сите да се вакцинираат што поскоро. Меѓудругото порача и дека организацијата мора да работи на тоа вакцината да биде достапна за сите.

„Многу е важно секој, насекаде, да се вакцинира, и мојот апел е сите да ги искористат можностите што постојат и да се вакцинираат што е можно побрзо“, нагласи Гутереш.

Првиот човек на светската асамблеа истакна дека руските вакцини може да играат многу важна улога во борбата против пандемијата и се надева дека наскоро ќе бидат одобрени од Светската здравствена организација.