ЕУ ќе бара негативен тест за влез во блокот

Европската унија ќе бара негативен тест за ковид-19 за сите патувања од трети земји. Исклучок од ова правило ќе бидат вработените во морепловството, транспортот и граничните служби кои ќе можат да влезат со брз антигенски тест.

Членките на блокот може да бараат и 14-дневен карантин и дополнителни испитувања за ковид, особено од земјите во кои се откриени мутациите.

Во официјален Брисел се утврдени и условите под кои може да се укинат ограничувањата за патувањата во рамките на Унијата кои не се неопходни.