ЕУ признава пропусти во набавката на вакцините

Претседателката на Европската Комисија Урсула фон дер Лајен за прв пат призна дека биле направени пропусти во однос на набавката на вакцините против ковид-19. Официјален Брисел нарачал 2,3 милијарди дози за своите 27 земји-членки.

Во моментов компаниите испорачуваат помалку од очекуваното или ветеното. Планот на блокот е до крајот на летото да бидат имунизирани 70% од населението.

Според Фон дер Лајен, Унијата треба да биде подготвена и на можен недостиг од одредени состојки за вакцините.