Се зголемуваат цените на бензините и на дизелот

Малопродажните цени на бензините се зголемуваат за денар и пол по литар, дизелот и екстра лесното масло за домаќинство за денар – одлучи Регулаторната комисија за енергетика.

Малопродажната цена на Еуросупер БС-95 од полноќ ќе изнесува 62,50 денари за литар, Ееуросупер БС-98 ќе се продава за 64,50 денари. Малопродажната цена на Еуродизел ќе изнесува 53,00 денари за литар, цената на екстра лесното масло за домаќинство ќе биде 42,00 денара. Малопродажната цена на мазутот се зголемува за 1,448 денари за килограм.

Со оваа одлука се врши зголемување на малопродажните цени на нафтените деривати во просек за 2,76%, во однос на малопродажните цени на нафтените деривати утврдени согласно одлуката од мината недела.