Филипче: Од утре во функција порталот за пријавување за вакцинација

Утре ќе биде ставен  во функција порталот за пријавување за вакцинација, најави денеска министерот за здравство Филипче. Ќе може да се пријави секој граѓанин, a системот автоматски ќе ги генерира приоритетните.

Се очекува до крајот на месецов авионски да пристигнат  вакцините од Кина и да бидат сместени во специјалните фрижидери лоцирани во поликлиниката „Бит Пазар“.

Министерот за здравство не најави заострување на мерките затоа што бројките на новозаразени не се толку алармантни, но се следи британскиот сој на коронавирусот кој од минатиот месец е присутен и во Македонија.