Од денеска на интернет страницата „Вакцинација.мк“ пријавување за имунизација
Здравствените работници ќе бидат први. Засега се пријавени четири илјади, од кои половина се од Скопје. Системот за нивното вакцинирање нема да биде со директно закажување, туку според податоците кои ги оставиле во клиниките и болниците каде што работат...
Граѓаните кои сакаат да се вакцинираат, од денеска на интернет страницата „Вакцинација.мк“ ќе можат да се пријавуваат електронски. Системот ќе ги одреди термините според приоритетните групи. Министерството за здравство информира дека во моментов се прават последните технички прилагодувања на веб-страницата преку која граѓаните ќе можат да се пријавуваат со изразување заинтересираност за вакцинација против Ковид-19.
Здравствените работници ќе бидат први. Засега се пријавени четири илјади, од кои половина се од Скопје. Системот за нивното вакцинирање нема да биде со директно закажување, туку според податоците кои ги оставиле во клиниките и болниците каде што работат. Ќе бидат повикувани и ќе добиваат соодветен термин за вакцинирање.
Во првата фаза, возраста и хроничните болни се приоритетните групи за вакцинација.