Трамп со заострена реторика кон Меконел

Поранешниот претседател на САД, Доналд Трамп вербално го нападна лидерот на малцинството Републиканци во Сенатот.

Револтиран е од тоа што иако Мич Меконел гласал за негово ослободување, тој се согласил со мнзоинството демократи дека поранешниот американски лидер бил одговорен за упадот во Капитол на шести јануари.

„Мич е суров, лут и непријатен политичар и ако републиканските сенатори останат со него, тој нема да победи повторно“, изјави Трамп.

Во меѓувреме, против него е покренато ново обвинение од демократскиот конгресмен бени Томпсон којшто тврди дека поранешниот претседател, адвокатот Руди Џулијани и две екстремистички групи правеле планови да го спречат официјализирањето на победата на Бајден.