Адвокатите тврдат-ништо не е незаконито

Клучниот сведок на обвинителството не знаел од кој период датираат или дали се артефакти, предметите кои што ги набавувал и препродавал. Призна дека тој самиот купил бронзена плоча за 150, а  ја продал за 2000 евра . Три  метални  фигури купил по цена од 450, а  ги продал  за 1000 евра. Потоа  три фигури во вид на глава по 150 евра, а ги продал секоја по 1000 евра, и  2 стаклени чаши од кои заработил 2400 евра. Во  прво време му ги давале  под залог, а потоа кога видел дека има интерес за нив почнал да ги продава. Сведокот на обвинителството внесе дополнителна конфузија откако посочи дека преку телевизијата дознал оти препродавањето на артефактите е незаконито.   

 

,, Предметите што ги препродавал клучниот сведок на обивнителството главно ги проценувале оние од кои што ги купувал или тие на кои им ги продавал, Милошевски и Шекуларац , инаку двајцата обвинети во Фаланга“

Адвокатите  на обвинетите приговараа на неговото сведочење. според нив било  лажно,  паушално , произволно. По што судот го одобри нивното барање сведокот да се соочи со обвинетите.  

 

„Во недостаток на други материјални докази останува само овој сведок кој ако бевте присутни и сами слушнавте дека не ја зборува вистината, односно истиот ниту знае дали нешто е артефакт, ниту знае колку чини, ниту знае каде се наоѓа“, вели Звонко Давидовиќ, адвокат на обвинетите.

,, Воопшто освен од телевизија обвинетиот Паско Кузман не го познаваат, и немаат никаква поврзаност“ тврди Александар Новаковски, бранител на Паско Кузман

Одбраната  посочи дека речиси сите сведоци на обвинителството всушност  потврдиле дека  ископувањата и другите дејствија биле со дозвола и нема ништо незаконито.  Наскоро  ќе бидат сослушани и   загрозени сведоци, најверојатно лицата што ги спроведувале истражните дејствија.

 

Фиљана Кока