249 санкционирани пешаци, најмногу за небезбедно преминување на улица
На територијата на целата држава вчера беше спроведена акциска контрола за прекршоците што ги прават пешаците, при што беа изречени вкупно 249 мерки, меѓу кои 166 за небезбедно преминување на улица надвор од пешачки премин...
На територијата на целата држава вчера беше спроведена акциска контрола за прекршоците што ги прават пешаците, при што беа изречени вкупно 249 мерки, меѓу кои 166 за небезбедно преминување на улица надвор од пешачки премин, 46 за непочитување на светлосните сообраќајни знаци или знаци што ги дава полициски службеник, 18 за некористење на тротоар или друга површина наменета за движење на пешаците, 14 за движење или непотребно задржување на пешакот на коловоз, соопштуваат од МВР.
За време на контролата регистрирани се и 155 останати прекршоци.
Засилените сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот, велат од МВР.