Вакцинирани над 1.150 здравствени работници, се чекаат вакцините од Кина

Вакцинирани над 1.150 здравствени работници. За имунизација досега се пријавиле повеќе од 63 илјади граѓани. Здравствените власти убедуваат- до крајот на неделава ќе стигнат останатите дози „Фајзер“ од Србија, се чекаат и 200 илјади вакцини од Кина.

Вкупната бројка на ковид- дијагностицирани во нашата земја од почетокот на епидемијата изнесува 99.408. Оздравеле 89.742, починале 3.076 лица. Бројот на активни случаи изнесува 6.590.

Според последниот ковид- билтен за 24 часа имало 129 новозаразени со Ковид-19 од направени 854 тестирања, 13 лица починале, а за оздравени биле пријавени 342 пациенти.