Платниот промет во Пошта повторно функционира, провизијата изнесува 35 денари

Во 35 филијали на поштата почна повторно да функционира платниот промет. Веќе од следата недела, сметки и други плаќања во готово ќе се вршат во сите експозитури. Провизијата ќе чини 35 денари по трансакција за плаќање сметки и други режиски трошоци. Висината на провизиите за уплати кон буџетски установи е во зависнот од износот.

По пропаѓањето на Еуростанд банка, сега платниот промет ќе се врши согласно новиот договор со Халк банка. Од банката велат – свесни сме дека платниот промет во Пошта е важен, не само затоа што е најевтин, туку и затоа што за многу жители на населени места претставува и единствен начин за плаќање на сметките и обврските.

Согласно плановите на Пошта, која важи за загубар со превработување во админстрацијата, тие најпрвин ќе ги прошират своите услуги, со цел намалување на загубите, а потоа би се пристапило кон приватизација или јавно- приватно партнерство.

Марија Котовска