Се заканува четврти бран на епидемијата
Во моментот кружат неколку различни мутации на Ковид-19, а здравствените експерти се особено загрижени поради сојот од Велика Британија, од Јужноафриканската Република и од Бразил, кои се чини дека се позаразни.
Ширењето на заразните мутации на коронавирусот се заканува да предизвика „потенцијален четврти бран на случаи“ во САД, предупреди директорката на американските центри за контрола и превенција на болести.
Минатата недела на дневно ниво биле евидентирани околу 70.000 нови случаи. Во моментот кружат неколку различни мутации на Ковид-19, а здравствените експерти се особено загрижени поради сојот од Велика Британија, од Јужноафриканската Република и од Бразил, кои се чини дека се позаразни.
Според податоците на Светската здравствена организација, во САД досега се регистрирани над 28 милиони заразени и 500.000 смртни случаи од коронавирусот.