Еко зона во центарот на Скопје

Отворена иновативна еко зона во центарот на Скопје. Поставени се смарт клупи кои имаат сензори за квалитет на воздух, се напојуваат од сончева енергија и имаат бесплатен безжичен интернет. Зоните се оплеменети со зеленило, а целта е да ги едуцираат младите за климатските промени, квалитетот на воздух и рециклирањето на секундарни суровини.

„Биди зелен“ зоните со паметни клупи се поставени на три стратешки локации, вели министерот за локална самоуправа. Целта е младите да размислуваат еколошки и да сфатат колку е важно да го рециклираме отпадот, да водиме сметка за квалитетот на почвата и на воздухот.

Целта на проектот беше да создадеме еко- иновација со која што ќе допреме до младите и ќе им покажеме дека има начин како да се користи обновлива енергија, велат од невладините.

Зелените зони се овозможени преку проектот „Одржлив и инклузивен рамномерен регионален развој“ од Швајцарската агенција за развој и соработка.

Александра Спировска