„Хипноза“ со пијанистката Марија Ѓошевска овој четврток во Филхармонија

Овој четврток, во 20 часот оркестарот на Филхармонија ќе го одржи концертот насловен „Хипноза“ на кој како солистка ќе настапи пијанистката Марија Ѓошевска. Диригент е Антони Вит, а на програмата се Серенада за дувачи оп. 7 од Штраус, Концертот за пијано и оркестар бр. 2 од Сергеј Рахмањинов и Серенада за гудачи од Карлович.

Марија Ѓошевска е една од најистакнатите пијанисти во Република Македонија. Секој нејзин нов настап ја потврдува констатацијата дека, во нејзината личност, македонската музичка сцена доби пијанист со врвни професионални перформанси, мунициозна виртуозност и изразита индивидуалност.