Досега евидентирани 77.122 лица од дијаспората
Процесот на самопишување почна на 1-ви март и ќе трае до 21-ви април, а преку апликацијата се попишуваат македонските државјани кои престојуваат во странство, поради работа или други лични причини, до и подолго од 12 месеци.
Преку апликцијата за самопопишување на дијаспората заклучно со денешниот ден евидентирани се вкупно 77.122 лица. Процесот на самопишување почна на 1-ви март и ќе трае до 21-ви април, а преку апликацијата се попишуваат македонските државјани кои престојуваат во странство, поради работа или други лични причини, до и подолго од 12 месеци.
Од 1-ви март до 15-ти март се попишуваа и вработените во Дипломатско- конзуларните претставништва и членовите на нивните семејства кои престојуваат со нив во странство, македонските државјани на работа во Обединетите нации и нејзините организации, претставништва или претставници на стопанските комори во странство, деловните единици во странство, воени претставници на Армијата на Република Македонија во странство и граѓаните што се ангажирани врз основа на меѓународна, техничка и друга соработка, како и членовите на нивните семејства/ домаќинствата што престојуваат во странство со наведените лица како и сите лица – државјани на Република Македонија кои по која било основа престојуваат во странство, без оглед на должината на нивниот престој.
Пописот на населението во земјава ќе се спроведува од 1-ви до 21-ви април 202-ва година. Државниот завод за статистика објави и дополнителен трет јавен конкурс за ангажирање лица кои ќе учествуваат во спроведувањето на Пописот на населението, домаќинствата и становите во Република Македонија, за кој заинтересираните кандидати треба да се пријават до 20-ти март.