Досега самопопишани 137.111 македонски државјани од дијаспората

Самопопишувањето на македонската дијаспора се интензивира. Денешната состојба покажува дека за еден ден се попишале 7.102 македонски државјани. Од Заводот за статистика се надеваат дека ова темпо на попишување ќе продолжи сè до крајот на пописот, на 21-ви април.

Од ДЗС ги покануваат иселениците да ја искористат можноста и да одговорат на прашањата во апликацијата. За сите нејаснотии во врска со методологијата на попишувањето или какви било технички проблеми, Државниот завод за статистика стои на располагање со отворените линии за комуникација достапни на веб-страницата popis2021.stat.gov.mk.