Во лабораторија на УГД ќе се утврдуваат загадувачите на воздухот во Скопје
Примероци од загадениот скопски воздух ќе се анализираат во лабраторијата на Универзитетот „Гоце Делчев“ во Штип, која со помош на шведската Влада е опремена прецизно да ги утврдува изворите на загадување. Проектот „Справување со загадувањето на воздухот во Скопје“ се реализира со помош на УНДП и Министерството за заштита на животната средина...
Лабораторијата на Универзитетот „Гоце Делчев“ во Штип е единствена во државата каде прецизно ќе се утврдуваат причините за загадување на воздухот. За почеток примероци од воздухот од Општина Карпош и населбата Лисиче ќе се анализираат овде.
Опремувањето на универзитетската лабораторија за ваков вид испитувања го помогна шведската Влада.
Проектот „Справување со загадувањето на воздухот во Скопје“ е поддржан и од УНДП, со чија помош 160 домакинства во населбата Лисиче ќе добијат субвенции при избор на еколошки енергенс за загревање. Повикот е отворен до петти април.
Дел од стратегијата на министерството за екологија за намалување на аерозагадувањето е промена на енергенсите за затоплување на јавните објекти.
Голем придонес во надминувањето на проблемот со аерозагадувањето се очекува да даде гасификацијата на градовите, а ќе продолжи и субвенционирањето за купување печки на пелети и клима уреди.
Славица Величковска