Шпанија, Германија, Италија и Холандија се пласираа во четвртфиналето на Европското првенство

По завршување на натпреварите во текот на вчерашниот ден, познати се четири репрезентации кои се пласираа во четвртфиналето на ЕП за фудбалери до 21 година.

Холандија и Германија се пласираа во четвртфиналето од групата А, Шпанија и Италија од групата Б. Турнирот го напуштаат Романија, Унгарија, Чешка и Словенија.

Преостанатите патници во четвртфиналната фаза ќе бидат познати денес по комплетирањето на третото коло. Двојките се: Данска – Русија, Хрватска – Англија, Исланд – Франција и Швајцарија – Португалија.