Пораз на шампионот во Бостон, драмата во Тексас за Маверикс

Сан Антонио славеше против Лејкерс во последниот меч од синоќешната понуда, Пистонс беа совладани од Денвер, Феникс дома го победи Орландо.

Селтикс го искористија отсуството на Леброн Џејмс и го совладаа шампионот, со 101:96. Џеф Грин погоди тројка при 94:94, на 2:32 до крајот на мечот, потоа Ражон Рондо претвори две контри во поени, по што веќе беше јасно дека Бостон ја прекинува низата од 5 порази во меѓусебните дуели со Мајами.

Минесота и Далас играа продолжение, по кое се радуваа гостите, со 123:122 во натпреварот со најмногу поени во синоќешната НБА понуда. Тимбервулвф имаа и 22 поена предност во текот на мечот. На крајот, Кевин Лав реализира 35 поени со 8 скокови, за 41 минута на паркетот. Рики Рубио оствари трипл дабл со 22 поена, 15 асистенции и 10 скокови, дополнети со 4 украдени топки што е само трет таков учинок во историјата на НБА лигата (по Крис Пол и Андре Милер).

Тони Паркер постигна 25 поени, Каваи Ленард додаде 22 поена со 10 скокови, во 7-та последователна победа на Сан Антонио против Лејкерс (109:125) и вкупно 11-та победа во тековната серија на Спарс. Детроит последен пат славеше на гости на 19 декември, а за поразот на Пистонс во Колорадо е виновен Арон Брукс. Бекот на Нагетс имаше 27 поени со 17 додавања, во триумофт 118:109. Санс триумфираа против Меџик (109:93), а најдобар поединец кај победникот беше Горан Драгиќ со 18 поени и со 6 асистенции.

 

На другите средби:

 

Њујорк – Индијана 92:86

Филаделфија – Чикаго 94:102

Мемфис – Јута 96:86

Њу Орлеанс – Торонто 100:107

Бруклин – Шарлот 104:99