Модуларната болница во Штип ставена во употреба
Модуларната болница во Штип денес почна со работа со целосно исполнет капацитет за 47 пациенти. Заради централниот довод на кислород ќе се олесни работата на здравствениот кадар, а има и подобри услови за лекување на пациентите кои последните денови имаат сѐ потешка клиничка слика и сѐ пониска старосна граница...
Од денес ставена е во употреба модуларната болница во Штип. Со капацитет за 47 пациенти, ќе го намали притисокот на досегашното инфективно, кожно, кардиолошко и одделот за интензивна нега, каде во моментот се лекуваат над 70 пациенти, од кои 45 на кислородна поддршка. Од почетокот на неделата бројот на пациенти во штипската болница е зголемен, а пациентите се со сѐ потешка клиничка слика.
Расте бројот на пациенти кои се на кислородна поддршка, опаѓа старосната граница на хоспитализираните во ковид- центарот во Штип.
Граѓаните да ги почитуваат мерките и да бараат лекарска помош по првите симптоми - апелира градоначалникот.
Модуларната болница во Штип веќе од денес е целосно исполнета со потешките пациенти, останатите се лекуваат на инфективното одделение.
Славица Величковска