Бензините поскапуваат за денар, цената на дизелот остнаува иста
Новата малопродажна цена на Еуросупер БС-95 ќе изнесува 67 денари за литар, а Еуросупер БС-98 ќе се продава за 69 денари. Дизелот и понатаму ќе чини 55 денари за литар...
Бензините поскапуваат за еден денар по литар, а цената на дизел горивата останува иста, одлучи денеска Регулаторната комисија за енергетика. Малопродажните цени на нафтените деривати во просек се зголемуваат за 0,8 отсто.
Новата малопродажна цена на Еуросупер БС-95 ќе изнесува 67 денари за литар, а Еуросупер БС-98 ќе се продава за 69 денари. Дизелот и понатаму ќе чини 55 денари за литар, а Екстра лесно масло за домаќинство 44,5 денари. За 0,353 денари за килограм се зголемува и малопродажната цена на Мазутот и ќе изнесува 34,779 денари.
Како причина за промената на малопродажните цени на нафтените деривати од РКЕ ги посочуваат зголемените референтни цени на светските берзи во изминатите седум дена, како и повисокиот курс на денарот во однос на доларот.