Затворено училиштето „Браќа Миладиновци“ во Струга, наставата продолжува онлајн

Затворено најголемото основно училиште во Струга. Од денес во „Браќа Миладиновци“ нема настава со физичко присуство.

Девет вработени лица се заразиле со корона вирусот, четворица наставници и петмина од техничкиот персонал. Двајца од нив се со тешка клиничка слика хоспитализирани во струшката болница.

„Во нашето училиште деца немаме заразени. Во согласност со министерството и општината се договоривме две недели да се направи пауза работи онлајн заради намалување на заразата“, вели Лаура Шате директор на ОУ „Браќа Миладиновци“ Струга.

Околу триста ученици од прво до трето одделение на македонски, албански и турски јазик, кои наставата ја следеа со физичко присуство во две смени, ќе продолжат да следат настава онлајн.

„Наставниците ни беа на семинар значи имаме и администратор што сите деца ќе бидат вклучени без никаков проблем. Администраторот е присутен за сите деца и за сите наставници“, додава Шате.

Корона вирусот ги затвори и основните училишта во струшките села Јабланица и Луково.

Соња Рилковска