Уапсени десетина полициски службеници, дел од ланец за фалсификување патни исправи

Претпладнево во голема полициска акција се уапсени десетина полициски службеници кои биле дел од ланец за фалсификување на патни исправи и лични документи. Акцијата сѐ уште е во тек, потврдуваат од МВР. Најавија повеќе детали по нејзиното завршување.

По повеќе од една година истрага и документирање на дејствувањето на криминалната група, полицијата во координација со Канцеларијата за истраги на Американската амбасада и Интерпол ја спроведува оваа акција.

Опозициската партија ВМРО-ДПМНЕ вчера излезе со соопштение во кое наведе дека МВР овозможила балкански нарко- босови да се стекнат со македонски пасоши и лични документи.