МВР: 217 сообраќајни прекршоци во Скопје
Изречени се 20 санкции за користење мобилен телефон, 37 прекршоци што ги чинат пешаците, 16 за некористење сигурносен појас...
На територијата на град Скопје во текот на вчерашниот ден изречени се вкупно 217 мерки, меѓу кои за возење повеќе од дозволената брзина 16, 13 санкции за возење без возачка дозвола, четири за технички неисправни и нерегистрирани возила, три за недавање првенство на минување на пешаци.
Изречени се 20 санкции за користење мобилен телефон, 37 прекршоци што ги чинат пешаците, 16 за некористење сигурносен појас, четири за минување на затворен сигнал (црвено светло), две санкции за возачи на мотоцикли и 49 санкции за непрописно паркирани возила.
Засилените сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта, соопштуваат од МВР.