Вакцинацијата продолжува со приоритетните групи

Идната недела се очекува да заврши вакцинацијата на останатите приоритетни групи. во   салата „Борис Трајковски”, од понеделникот со вакцини „Спутник” се имунизираат припадници на војската и полицијата, здравствени работници, наставници од прво до трето одделение и воспитувачи во градинките.

Следната недела ќе бидат вакцинирани вработени во обвинителството, судовите, инспекциските служби, новинарите и медиумските работници.  Досега се вакцинирани 18.261 граѓанин.

Паралелно тече и вакцинацијата на лица над 77 години со вакцината „Астра Зенека” во пунктовите во здравствените домови низ земјава.

Здравствените власти според најавите, овој месец се очекуваат околу 300.000 дози: 200.000 на „Синофарм” од Кина, околу 11.000 од директниот договор со „Фајзер”, 25 илјади вакцини преку договори со земјите членки на ЕУ, нова количина од руските „Спутник” и останатите дози на „Астра Зенека” преку Ковакс-системот.