СЗО: Најмногу заразени во Европа и САД

„Фајзер“ поднесе барање до ФДА за употреба на вакцината кај деца постари од 12 години

Според СЗО, досега се регистрирани 133,5 милиони заразени и 2,8 милиони смртни случаи од коронавирусот. Најмногу заразени има во Европа и САД. Поради мутациите, ЕУ ќе почне преговори за набавка на 1,8 милијарди дози од т.н. „втора генерација“ вакцини.

Од рускиот институт „Гамалеја“ изјавија дека „Спутник“ е ефикасна против британскиот вид, но не и против јужноафриканската мутација. Русите планираат оваа вакцина да се произведува и во Германија. Американскиот фармацевтски концерн Фајзер поднесе барање до Американската агенција за лекови (ФДА) за дозвола за употреба на вакцината и кај деца постари од 12 години.

Почната е клиничка студија за бебиња постари од 6 месеци и мали деца.