Истекува рокот за пререгистрација на невработени во ФЗОМ

Уште 130 илјади лица не ја исполниле законската обврска за пререгистрација на невработените во Фондот за здравствено осигурување. Доколку не го испочитуваат крајниот рок, 31-ви март, ќе останат без здравствена заштита.

„Сите овие осигуреници кои нема да ја завршат законската обврска, на први април ќе бидат без здравствено осигурување, ќе бидат принудени уште еднаш да се појават, ќе го изгубат континуитетот, а со тоа можат евентуално шест месеци да не добијат одредени здравствени услуги, бидејќи согласно Законот треба да имаат континуитет од шест месеци“, изјави директорот на ФЗОМ, Џемали Мехази.